Windows 11 rasmlardagi keraksiz obyektlarni osongina olib tashlash funksiyasiga ega boʻldi
04 may, 19:00Spot Fix deb nomlanuvchi yangi funksiya tasvirdagi istalgan kamchilikni bir necha soniyalarda bartaraf qiladi. Buning uchun alohida ilova yuklash yoki pullik obunalar o‘rnatish kerak bo‘lmaydi.
Windows 11 yangi foydali funksiya —eng oson yoʻl bilan rasmlardagi keraksiz narsalarni olib tashlash xususiyatiga ega boʻldi.
U Spot Fix deb ataladi va standart Photo ilovasiga oʻrnatilgan boʻlib, masalan, fonda tasodifan ramkaga tushib qolgan odamni, qandaydir nuqson yoki koʻrinishni buzadigan narsalarni olib tashlashni osonlashtiradi.
Kerakli joylarni tezroq va aniqroq tanlash uchun instrument oʻlchamini sozlash mumkin, olib tashlash jarayonining oʻzi esa bor-yoʻgʻi bir necha soniyani tashkil qiladi.
Hozircha bu xususiyat faqat Windows Insider dasturi aʼzolari uchun tizimning oldindan tuzilgan versiyasida mavjud. Photo yangi funksiyasi kelgusi oylarda taqdim qilinadigan yangilanishlar bilan birga foydalanishga chiqariladi.
Avvalroq TikTok’da sun’iy intellekt asosida profil rasmlari tayyorlash funksiyasi paydo bo‘lgani xabar berilgan edi.
Mavzuga oid
Soʻnggi yangiliklar
06 avgust, 13:46
01 avgust, 15:09
01 avgust, 13:58
24 iyul, 15:08
