Samsung oʻzining Google qidiruv tizimini Bingga almashtirmoqchi

Qidiruv tizimlari bozorida kichik ulushga ega boʻlgan Microsoft Bing esa yil boshidan buyon sunʼiy intellektga asoslangan modelni qoʻshgach, foydalanuvchilari soni ham tez surʼatlar bilan kengaymoqda.

New York Times nashriningxabar berishicha, Samsung Electronics har yili yuz millionlab Android smartfonlarini ishlab chiqaradi va Googleʼning asosiy hamkorlaridan biri sifatida qidiruv tizimini almashtirish haqida oʻylayotgani juda muhim oʻzgarishdir. Google kompaniyasining yillik sotuvidan taxminan 3 milliard dollar aynan Samsung Electronics kompaniyasiga toʻgʻri keladi.

Googleʼning rasmiy pozitsiyasi shundan iboratki, “Android smartfon ishlab chiqaruvchilari (shu jumladan Samsung Electronics) foydalanuvchi tajribasini yaxshilash uchun boshqa kompaniyalar texnologiyasini oʻzlashtira oladi”.

Ammo hozircha Samsung Electronics aniq bir qarorga kelganicha yoʻq: Google bilan muzokaralar davom etayotgani va Samsung Electronics kompaniyasining Google qidiruv tizimidan foydalanishda davom etishi ehtimoli borligi haqida xabar berilmoqda.

Ma’lumot uchun, Google ayni paytda Project Magi deb nomlanuvchi mutlaqo yangi qidiruv tizimiustida ishlamoqda.