OtoSet-Quloq ichini tozalaydigan quloqchinlar
07 mart, 09:52Amerikaning SafKan Health kompaniyasi tashqi koʻrinishi quloqchinlarga oʻxshash OtoSet quloq tozalash tizimini sotishni boshladi. Bu qurilma 5 daqiqada quloq kanallarini tozalay oladi.
OtoSetʼning tashqi koʻrinishi minigarnituralarga oʻxshaydi, biroq ular smartfonga ulanmaydi va faqat suyuqlikni toʻldiruvchi tovush va nasos shovqini eshitiladi.
OtoSetʼning tepa qismidan bir martalik quloqchinlar orqali quloqlarga suyuq eritma quyiladi. Eritma quloqlarni tozalagach, mininasos uni pastki qismga tortadi. Tozalovdan soʻng OtoSetʼni nam salfetka bilan artib qoʻysangiz yetarli.
Ishlab chiqaruvchi taʼkidlashicha, otolaringologga quloq kanallarini tozalash uchun taxminan 20 daqiqa vaqt ketadi, OtoSet buni 5 daqiqada amalga oshiradi.
Qurilma faqat sogʻliqni saqlash mutaxassislari uchun moʻljallangan. Ehtimol, shuning uchun ham u biroz qimmat – 3000 $ atrofida.
Arizona shtatining Tukson shahrida joylashgan SafKan kompaniyasi 2020 yilda OtoSetʼni joriy etish uchun AQSh oziq-ovqat va farmatsevtika sanitariyasini nazorat qilish idorasining ruxsatini olgan edi.
Endilikda ishlab chiqaruvchi qurilmaning isteʼmolchi versiyasini ham chiqarishni rejalashtirmoqda.
Mavzuga oid
Soʻnggi yangiliklar
07 may, 16:17
02 aprel, 14:03
02 aprel, 08:45
01 aprel, 11:15
