Mac olib Windows’da ishlashni istaysizmi? Endi Apple kompyuterlarida Windows 11’ni rasman o‘rnatish mumkin

Bundan oldin Mac kompyuterlarida Windows oʻrnatsa boʻlardi, biroq u norasmiy bo‘lib, ma’lumotlar uchun xavfli edi.

Microsoft kompaniyasi Mac M1 va M2 uchun Windows 11 for ARM operatsion tizimidan foydalanish imkoniyatini taqdim qildi.

Windows 11ʼni endi rasman Parallels Desktop 18 virtual mashinasi orqali ishga tushirish mumkin. Apple chiplari uchun mos keladigan mazkur operatsion tizim (OT) Parallels Desktop 16.5 versiyasining chiqarilishi bilan qoʻshildi. Texnik jihatdan, bundan oldin ham Macʼda Windows oʻrnatsa boʻlardi, biroq u norasmiy boʻlgan.

Giglink avvalroq Windows 11 operatsion tizimi foydalanuvchi ruxsatisiz tashqi tarmoqlarga ulanib olishga urinishi aniqlangani haqida xabar bergandi:
⏩️ Yangi Windows 11 qanday josuslik qiladi?

Bu esa Windows va macOS noutbuklari aralashmasidan foydalanadigan korporativ Windows foydalanuvchilari uchun noqulay boʻlgan. Microsoftʼning Windows for ARM litsenziyalari avval toʻgʻridan-toʻgʻri qurilma ishlab chiqaruvchilariga berilgan, shuning uchun M1 va M2 bilan Macʼda Windows 11ʼdan erkin foydalanishda muammolar mavjud edi.

Biroq, Parallels Desktop 18‘ning yangi versiyasi endi Windows 11 ni bir marta bosish orqali Apple kompyuteringizga rasman yuklab olish va oʻrnatish imkonini beradi.

Bu quyidagicha amalga oshiriladi:

  • Agar roʻyxatdan oʻtmagan boʻlsangiz va litsenziya sotib olishni xohlamasangiz, Try now tugmasini bosing hamda sinov versiyasini yuklab olish uchun Download free trialʼga oʻting.
  • Litsenziyani darhol sotib olmoqchi boʻlsangiz, Buy now tugmasini bosing.
  • Yuklab olgach, faylni oching va oʻrnatish oynasiga ikki marta bosing.
  • Windows 11 ni bir necha kliklarda oʻrnating.

Sinov versiyasida siz 14 kun Parallels Desktop Pro Editionʼning toʻliq funksional koʻrinishidan foydalanishingiz mumkin. 

Pullik versiyada 3 turdagi: 99,99 dollar standart litsenziya, 119,99 dollar yillik Pro Edition litsenziyasi va 149,99 dollar yillik BusinessEdition litsenziyalar tarifi mavjud.

Albatta, internet boʻylab litsenziyasiz Parallels Desktopʼni faollashtiruvchilar ham bor (masalan, bu).

Biroq, “Код Дурова“ blogi maʼlum qilganidek, pirat manbalardan foydalanish faqat oʻzingizning xavf-xataringiz uchun ishlashi, hattoki bu holat siz istiqomat qiladigan davlat qonunchiligi bilan taʼqiqlangan boʻlishi ham mumkin.

Windows 11ʼni oʻrnatganingizdan soʻng u maxsus resursda virtuallashtirilgan muhitda ishga tushirilishi mumkin. Qurilmadagi fayllar va manbalar har ikkala operatsion tizim — macOS va Windows uchun umumiy boʻlib qoladi.  Parallels virtual TPM bilan oʻrnatish vaqtida Windows 11ʼning TPM va Secure Boot talablarini bajaradi.

Biroq, shunga qaramay, Windows 11ʼni Mac M1 va M2ʼda ishlatishda cheklovlar mavjud. Masalan, bunda DirectX 12 yoki OpenGL3.3 ilovalari ishlamaydi. Windowsʼga chuqur integratsiyalashgan dasturlar, jumladan, baʼzi antiviruslarni ham ishga tushirishni iloji yoʻq. Bundan tashqari, Amazon Appstore yoki GNU/Linux orqali Android ilovalarini ishga tushirishda ham muammolar mavjud.

Mavzuga oid

Soʻnggi yangiliklar

Yangi dizayn: Samsung Galaxy Z Flip7 ning Afzalliklari
Dunyo miqyosida Samsung buklanadigan telefonlar texnologiyasini rivojlantirishda peshqadamlik qilmoqda. Yangi Galaxy Z Flip7 esa yanada yupqa qurilma, mustahkam tuzilishi va ekologik toza materiallardan foydalanishi bilan ajralib turadi.
Smartfon
06 avgust, 13:46
Apple 3 milliardinchi iPhone qurilmasini sotdi
Apple turli tanqidlar ostida qolganiga qaramay, hali ham dunyoda eng ko‘p telefon sotayotgan kompaniyalardan biri bo‘lib qolmoqda. Bugun kompaniya rahbari Tim Kuk daromadlar hisobotini e’lon qilish chog‘ida juda muhim bir raqamni aytdi — Apple o‘zining 3 milliardinchi iPhone telefonini sotgan.
Texnologiya
01 avgust, 15:09
Reddit endi qidiruv tizimiga aylanishni istayapti
Reddit asoschisi va bosh direktori Stiv Xaffman kompaniya endi o‘zini “asosiy qidiruv tizimlaridan biri”ga aylantirish ustida ishlayotganini ma’lum qildi.
Ijtimoiy tarmoqlar
01 avgust, 13:58
OpenAI rahbari bolalar kelajagi haqida xavotirda: qisqa videolar bolalar miyyasiga ta’sir qilmoqda
OpenAI bosh direktori Sam Altman bolalarning kelajakdagi moslashuvchanligi va ruhiy rivojlanishi borasida jiddiy xavotirda ekanini aytdi. U “Business Insider” nashriga bergan intervyusida ota‑onalarga murojaat qilib, farzandlarni sun’iy intellekt davriga qanday tayyorlash kerakligi haqida fikr bildirdi.
Ijtimoiy tarmoqlar
24 iyul, 15:08