Inson koʻrinishini istalgan kompyuter qahramoniga bir zumda oʻzgartiruvchi texnologiya ishlab chiqildi

O‘rnatilgan sun'iy intellekt kameraning harakatini, yorugʻligini va rangini mustaqil ravishda hisoblab aktyorni kompyuter grafikasi bilan to'liq almashtiradi. Gap filmlardagi norealistik obrazlarni yaratish haqida ketmoqda. Shu paytgacha bu ishni maxsus studiyalar amalga oshirgan.

Turli jonivorlar va maxluqlarni bir nechta klikda yasab beradigan Wonder Studio xizmati 2023-yil 9-mart kuni Nikolay Todorovich va aktyor Ty Sheridanning Wonder Dynamics kompaniyasi tomonidan ishga tushirilgan. Platforma aktyorlarning harakatlarini avtomatik ravishda tahlil qiladi va 3D skelet animatsiyasiga aylantiradi, aktyorlar obrazini osongina kesib olish mumkin bo‘lgan dinamik niqoblar yaratadi.

Sun’iy idrok asosida ishlaydigan mazkur texnologiya CGI personajlarining yorug‘ligi va harakatini tasvir muhitiga moslashtiradi.

Ayni paytda sinov versiya — beta’si taqdim etilgan texnologiya oddiy brauzer orqali ishlaydi va undan siz ham foydalanib ko‘rishingiz mumkin— wonderdynamics.com