Eron “Fattoh” gipertovush raketasini taqdim etdi

Eron hatto atmosferadan tashqarida ham mohirlik bilan harakat qila oladigan, raketaga qarshi tizimlar uchun “qo‘l yetmas” “Fattoh” gipertovush raketasini namoyish qildi.

Islom inqilobi qo‘riqchilari korpusi(IIQK)ning Havo-kosmik kuchlari eng yangi ishlanma — barcha raketaga qarshi mudofaa tizimlari(RQMT)ni chetlab o‘tishga qodir bo‘lgan “Fattoh” gipertovush raketasini taqdim etdi.

Qattiq yoqilg‘i dvigatelli raketa — «Fattoh»ning uzoqqa uchish masofasi 1400 km bo‘lib, eng yuqori tezligi 14-15 ming km/sni, ya’ni 12-13 Max sonini (bir xil sharoitda harakatlanayotgan ob’ekt tezligining tovush tezligiga nisbati) tashkil qiladi. Raketa ham atmosferada, ham undan tashqarida mohirlik bilan harakat qilib, mavjud barcha RQMTni chetlab o‘ta oladi.

«IIQK Havo-kosmik kuchlarining so‘nggi strategik yutug‘i bo‘lgan “Fattoh” gipertovush raketasi prezident oyatulloh Said Ibrohim Raisiy va IIQKning bosh qo‘mondoni Husayn Salamiy ishtirokida namoyish qilindi», — deyiladi Fars Eron axborot agentligining xabarida.

Eron poytaxti Tehron ko‘chalarida “Fattoh” hipertovushli raketasi bilboardi paydo bo‘ldi