EPAM kompaniyasi DevOps bo‘yicha bepul treninglar uchun arizalar qabul qilmoqda

Texnologiya

05 may, 16:05

Treningda qatnashish uchun ro‘yxatdan o‘tish kerak. Arizalarni O‘zbekiston, Qozog‘iston, Qirg‘iziston va Belarus fuqarolari topshirishi mumkin.

“EPAM Training Center” “DevOps Essentials” bepul trening dasturiga arizalar qabul qilmoqda.

Kurs Git va tarmoq tushunchalari bo‘yicha nazariy va amaliy bilim olishga, Bash va Python tillarining asosiy sintaksisini tushunishga hamda Linux va Windows OS’ning asosiy xususiyatlarini o‘rgatishga qaratilgan.

Agar ishtirokchilar bu dasturni muvaffaqiyatli yakunlab, nazariy test va amaliy topshiriqlarni muvaffaqiyatli bajarsa, ikkinchi bosqich — “DevOps Fundamentals” treningiga ham qo‘shilish imkoniga ega bo‘ladi.

Nomzodlar quyidagi talablarga javib berishi kerak:

Ingliz tili darajasi A2+ (Pre-intermediate) va undan yuqori bo‘lishi;
IT tushunchalari va dasturiy ta’minot ko‘nikmalari bo‘yicha asosiy bilimlarga ega bo‘lishi;
Nostandart muammolarni hal qilishda analitik fikrlash va ijodkorlik;
DevOps’da ishlash va rivojlanish istagi.

Qabul qilingan nomzodlar DevOps’ning quyidagi bepul darslarini o‘rganishlari mumkin bo‘ladi:

DevOps: mustaqil o‘rganish materiallari

Kichik DevOps muhandisi uchun kitob javoni

DevOps nima uchun kerak va DevOps muhandislari kimlar

Fast Track VS Full Track: DevOps-ni o‘rganishda to‘g‘ri yo‘lni qanday tanlash mumkin?

Kursda ishtirok etish uchun havola orqali ro‘yxatdan o‘tish kerak. Kursning aniq boshlanish va tugash sanalari yo‘q. Ro‘yxatdan o‘tgach, o‘quv materiallariga kirish imkoniga ega bo‘lish mumkin.

Ishtirok etish uchun ro‘yxatdan o‘tgandan so‘ng ingliz tili bo‘yicha test topshiriladi. Batafsil ma’lumot bu yerda.

Giglink.uz shuningdek, ayni kunlarda (4-7 may) sovrin jamg‘armasi — 332 mln so‘m: Uzbekistan Esports yakuniy turniri bo‘lib o‘tayotgani haqida xabar bergan edi.