Barcha neyrotarmoqlar jamlangan ensiklopediya taqdim qilindi

Texnologiya

21 fevral, 12:10

Diplom ishi tayyorlash, kod yozish, bir klikda video tayyorlash, sovgʻa tanlash va boringki depressiyadan chiqishingizda ham yordam beradigan 1 000 dan ortiq AI loyihalari aynan shu yerda.

Barcha sunʼiy idrok loyihalari yagona ensiklopediyaga jamlandi. Mazkur platformada siz shu kungacha yaratilgan turli yoʻnalishlardagi AI xizmatlarni topasiz.

1 000 dan ortiq neyrotarmoqlar loyihalari bitta ensiklopediyaga toʻplangan. AIcyclopedia saytida neyrotarmoqlar pullik va bepulga boʻlingan, shuningdek, turli podkast, yangilik va materiallardan ham foydalanish mumkin.

Misol uchun, oldinroq uyni taʼmirdan keyingi holatini koʻrsatib beradigan sunʼiy intellekt, uyingizda bor mahsulotlardan taom tayyorlashni oʻrgatadigan ChefGPT, eski rasmlarni tiklab beradigan Nostalgia Photo, boʻlgʻusi turmush oʻrtogʻingizning xarakteri qanchalik mos kelishini aniqlab beradigan Ferret, oʻsha mashhur ChatGPT va boshqa sunʼiy intellekt manbalari yoʻnallishlari boʻyicha tartiblab berilgan.

AIcyclopedia asosiy sahifasida bir nechta boʻlimlar bor, saytdan foydalanish oson, kirganingizda siz AI Tools — neyrotarmoqlar kartalari, ularning vazifasi haqida qisqacha berilgan boʻlimni koʻrasiz. Shunga koʻra, oʻzingizga kerakli AI loyihaga kirib foydalanishingiz mumkin.