AR koʻzoynak bilan ishlaydigan monitorsiz birinchi noutbuk taqdim etildi
19 may, 20:30Isroilning Sightful startapi dunyodagi birinchi ekransiz Spacetop noutbukini taqdim etdi — uni AR koʻzoynaklari yordamida ishlatish mumkin.
Spacetop qurilmasi Android tizimida ishlaydi. Foydalanuvchi maxsus koʻzoynak taqqanida, kengaytirilgan reallikda 100 dyuymgacha boʻlgan ekranni koʻrinadi. AR garniturasining oʻlchamlari har bir koʻz uchun 1080p. Barcha kontent faqat AR’da koʻrsatilishini hisobga olsak, tashqaridan noutbuk egasi nima qilayotganini koʻrib bo‘lmaydi.
Gadjet Qualcomm Snapdragon 865 protsessori, Adreno 650 grafik kartasi, 8 Gb tezkor va 256 Gb ichki xotiraga ega. Noutbuk bir martalik batareya quvvati 5 soatlik ish uchun yetarli. Qurilmaning ogʻirligi 1,5 kg ni tashkil qiladi.
Spacetop Wi-Fi 6, 5G va Bluetooth 5.1 texnologiyalarini qoʻllab-quvvatlaydi. Biroq, “kelajak noutbuki” sezilarli kamchilikka ega — hozircha u faqat veb-ilovalar bilan ishlashi mumkin.
Spacetop allaqachon sotuvga tayyor, ammo mijozlarga mahsulotni avval sinab koʻrish taklif etiladi.
Qurilma narxi — 2 000$.
Noutbuk sensorli panelli anʼanaviy klaviatura bilan jihozlangan. Ikkita USB Type-C (3.0) portlari mavjud boʻlib, ular tashqi qurilmalar uchun yoki boshqa displeyni ulash uchun ishlatilishi mumkin. Spacetop shuningdek, yordamchi maʼlumotni aks ettiruvchi kichik ekranga ega.
Mavzuga doir qiziqarli xabarlar:
Mavzuga oid
Soʻnggi yangiliklar
06 avgust, 13:46
01 avgust, 15:09
01 avgust, 13:58
24 iyul, 15:08
