Xiaomi eng qimmat smartfonining chiqarilish sanasi maʼlum boʻldi
03 iyun, 10:28Xiaomi kompaniyasi 7-iyun kuni Xiaomi 13 Ultra flagmanining global taqdimotini oʻtkazadi.
Aprel oyida Xitoyda taqdim etilgan Xiaomi 13 Ultra 7-iyun kuni jahon bozorida namoyish etiladi. Taqdimot hisoblagichi kompaniyaning Gonkong veb-saytida paydo boʻldi.
Koʻplab insayder maʼlumotlarga koʻra, smartfonning narxi kompaniya tarixidagi jahon bozoridagi eng yuqori koʻrsatkich boʻlishi mumkin. Yevropada Xiaomi 13 Ultra 1 385$ — 1 607$ narxda taklif qilinishi kutilmoqda.
Smartfon Oʻzbekistonda taqdim etiladimi va uning narxi qanday boʻlishi hozircha nomaʼlum. Yangi flagman boshqa davlatlar bozorlarida 1 730$ atrofida baholanishi mumkinligi taxmin qilinmoqda.
Xiaomi 13 Ultra kompaniyaning Leica muhandislari bilan hamkorlikda yaratilgan 50 megapikselli toʻrtta kamera tizimiga ega foto flagmani hisoblanadi. Smartfon, shuningdek, Snapdragon 8 Gen 2 chipsetiga, 6,73 dyuymli 2K AMOLED ekranga, bozordagi eng yuqori yorqinligi 2600 nitsga ega.
Avvalroq Giglink.uz Xiaomi 13 Ultra funksiyalari, ustunligi va narxlari haqida batafsil maʼlumot bergandi.
Mavzuga oid
Soʻnggi yangiliklar
06 avgust, 13:46
01 avgust, 15:09
01 avgust, 13:58
24 iyul, 15:08
