Xiaomi 13 Ultra dunyo boʻylab sotuvga chiqdi, Oʻzbekistondachi?

Smartfon

17 iyun, 19:00

Xiaomi 13 Ultra narxi dunyo boʻylab oʻrtacha 1 600$ atrofida baholangan va u eng yaxshi kamerali telefonlardan biri boʻlishi mumkinligi aytilmoqda. Ammo O‘zbekistonda flagman ancha arzonroq sotilmoqda.

Xiaomi 13 Pro modeli shu yil boshida Yevropada 1400 dollar — yuqori narx bilan sotuvga chiqarilgan edi. Aprel oyida yangi Xiaomi 13 Ultra modeli Yevropada ham sotilishi aniq boʻlgach, Ultra modellari Proga nisbatan sezilarli darajada qimmat boʻlishi kutilgan edi. Ayni paytda esa kutuvlar oʻz tasdigʻini topdi.

Maʼlumot uchun, Xiaomi 13 Pro Oʻzbekistondagi narxi — 15 mln soʻm atrofida.

Xiaomi 13 Ultra narxning oshishi kamerasining kuchli funksionali bilan bogʻliqligi aytilgan.

Kamerasi kuchli flagman

Birinchidan, Xiaomi 13 Ultra toʻrtta 50MP kameraga bilan kuchaytirilgan. Unda ƒ/1,9 va ƒ/4,0 oraligʻida oʻtishga qodir boʻlgan ikki toʻxtashli oʻzgaruvchan diafragma bilan 50 megapikselli IMX989 bir dyuymli asosiy kamera bor. Bu siz past yoki baland “резкость” tanlashingiz, shuningdek, obyektlarga fokusni yaqinlashtirishingiz mumkinligini anglatadi.

Telefonning boshqa orqa kameralari orasida 50MP 3,2x portret linzalari, 5x zoomli 50MP periskop kamerasi va 50MP ultra keng burchakli kamera (122 darajali koʻrish maydoni) mavjud. Shunday qilib, bu Pro modeliga nisbatan yaxshilangan masofani kattalashtirishni taʼminlashi kerak.

Xiaomi 13 Ultra shuningdek, Snapdragon 8 Gen 2 protsessori, 6,73 dyuymli QHD+ 120 Gts chastotali OLED-ekran, 2600 nits maksimal yorqinligi va 5000 mA/soat akkumulyator bilan jihozlangan. Batareya nolga yetganda, siz 90 Vt simli zaryadlash yoki 50 Vt simsiz zaryadlash imkoniyatlaridan foydalanishingiz mumkin, bunda 35 daqiqada 100% quvvatlanadi.

Xiaomi 13 Ultra narxi va xarid qilish

Yevropada Xiaomi 13 Ultra yashil yoki qora rangda, 1 616 dollarga sotilmoqda. Oʻzbekistonda esa barcha sotuv manbalariga kirib bormagan boʻlsada, biz OLXʼda

Xiaomi 13 Ultra — 12/256 — 929$

Xiaomi 13 Ultra — 16/512 — 1019$

Xiaomi 13 Ultra — 16/1024 — 1129$ narxda turli ranglari sotilayotganini uchratdik.

Aytish joizki, Xiaomi telefoni faqat 12GB/512GB variantida sotuvga chiqariladi, ekvivalent S23 Ultra modeli esa 1 702 dollar boshlangʻich narxda sotuvga chiqariladi.

Biroq, agar siz premium flagmanga ega boʻlishni istasangiz, ikkala variantda ham xato qilmaysiz. Ammo eng yaxshi kamerali telefonni izlayotgan boʻlsangiz, albatta, Xiaomi 13 Ultra sizga eng yaxshi variantlardan biri boʻlishi aniq. Uning texnik xususiyatlari haqida batafsil oldingi xabarlarimizda o‘qishingiz mumkin.