Samsung smartfon obuna xizmatini ishga tushirishga tayyorlanmoqda
10 yanvar, 10:32Samsung nihoyat sun’iy intellekt (AI) bilan jihozlangan smartfonlari uchun pullik obuna xizmatini joriy etishga tayyor, biroq bu ko‘pchilik kutganidan biroz farq qilishi mumkin.
Samsung kelasi oy o‘zining smartfonlari va planshetlari uchun AI Subscription Club deb nomlangan obuna xizmatini taqdim etishga tayyorlanmoqda. Ushbu xizmat foydalanuvchilarga Galaxy turkumidagi smartfon va planshetlarni ijaraga olish yoki obuna bo‘lish imkoniyatini beradi. Xizmat nomidagi "AI" so‘zi ushbu obuna faqat sun’iy intellekt (AI) funksiyasiga ega qurilmalarga taalluqli ekanligini bildiradi.
Sun’iy intellekt funksiyasiga ega Galaxy qurilmalarini sotib olgan foydalanuvchilar 2025-yil oxirigacha AI funksiyalaridan bepul foydalanishlari mumkin. Shu vaqtgacha ularga hech qanday qo‘shimcha to‘lov talab qilinmaydi. Ammo 2025-yildan keyin bu xizmat pullik bo‘lishi yoki bepul qolishi hozircha noma’lum.
Samsung 22-yanvar kuni Kaliforniya shtatidagi San-Xoseda Galaxy Unpacked tadbirini o‘tkazishni rejalashtirmoqda, unda Galaxy S25 seriyasini taqdim etish kutilmoqda. Han Jong-hi shunday deydi:
Biz kelasi oydan boshlab Galaxy smartfonlari uchun obuna xizmatini joriy qilamiz. Ballie robotini esa birinchi bo‘lib Janubiy Koreya va AQShda taqdim etamiz hamda uni Koreyada obuna shaklida yetkazib berishni rejalashtirmoqdamiz
Mavzuga oid
Soʻnggi yangiliklar
06 avgust, 13:46
01 avgust, 15:09
01 avgust, 13:58
24 iyul, 15:08
