Samsung Galaxy’ga yangi xavfsizlik funksiyalari qo‘shildi — telefoningizni himoya qilishni hoziroq boshlang!

Yangilanishdan keyin Galaxy qurilmalarida o‘g‘irlikni aniqlash funksiyasi paydo bo‘ldi. Endi telefon ichidagi harakat sensori qurilma qo‘lingizdan tortib olinsa, avtomatik ravishda ekranni bloklab qo‘yadi. Ya’ni, hech kim uni ochib foydalana olmaydi — faqat sizning barmoq izingiz, yuz tasviri yoki maxfiy kodingiz orqali kirish mumkin bo‘ladi.

Ko‘p hollarda o‘g‘rilar qurilmani darrov o‘chirib tashlaydi. Samsung esa bunga ham yechim topdi. Endi telefon o‘chirilgan holatda ham bloklanganicha qoladi. Internet bo‘lmasa ham, sozlamalarni o‘zgartirish yoki ma’lumotlarga kirish imkoni bo‘lmaydi.

Agar telefoningizni yo‘qotgan bo‘lsangiz, uni boshqa qurilmangiz orqali masofadan bloklab qo‘yishingiz, ekranga xabar chiqarishingiz yoki ma’lumotlarni o‘chirishingiz mumkin. Samsung bu imkoniyatlarni yangilab, undan foydalanishni yanada qulay qilgan.

Endi masofadan bloklash uchun faqat telefon raqamingizni tasdiqlash kifoya. Buning yordamida parollarni tiklash yoki hisob qaydnomangizni tozalash osonlashadi.

Yangi tizimda sizning barmoq izingiz yoki yuz rasmingiz – asosiy kalitga aylanadi. Masalan, kimdir sizning PIN-kodingizni bilib qolsa ham, u sozlamalarni o‘zgartira olmaydi — chunki yana biometrik tasdiqlash kerak bo‘ladi.

Yana bir foydali jihat — “xavfsizlik kutish vaqti” funksiyasi. U biometrik ma’lumotlarni o‘zgartirishga 1 soat kutish sharti qo‘yadi. Bu vaqt mobaynida siz telefonni bloklab ulgurishingiz mumkin.

Samsung’ning yangi xavfsizlik tizimi dastlab Galaxy S25 seriyasiga taalluqli edi. Endilikda quyidagi modellarda ham mavjud:

Galaxy S24

Galaxy Z Fold 6 / Flip 6

Galaxy Z Fold 5 / Flip 5

Galaxy S23

Galaxy S22

Yaqin orada boshqa modellar ham ro‘yxatga qo‘shiladi. Agar sizda ushbu modellar bo‘lsa, One UI 7 yangilanishini o‘rnating va xavfsizlik funksiyalarini yoqib qo‘ying.

Samsung’ning Find My Mobile xizmati yordam beradi. U orqali:

Qurilmaning joylashgan manzilini ko‘rishingiz,

Telefonni masofadan bloklashingiz,

Ekranga o‘zingiz haqingizda xabar chiqishingiz,

Ma’lumotlarni tozalashingiz mumkin.

Agar sizda Galaxy Watch yoki Galaxy Buds bor bo‘lsa, ular orqali ham yo‘qolgan telefoningizni izlash mumkin.

Hech qaysi texnologiya 100% kafolat bermaydi. Ammo Samsung Galaxy’dagi yangi himoya funksiyalari real holatlarda foydali bo‘lishi aniq. Telefoningiz o‘g‘irlansa, hech bo‘lmaganda ma’lumotlaringizni saqlab qolish imkoniyatingiz bo‘ladi.

📱 Shu sababli telefoningizning xavfsizlik sozlamalarini hoziroq tekshirib chiqing — kech bo‘lishidan oldin chorani ko‘rgan afzal!