Oppo Find X6 va Find X6 Pro kamerafonlari bir zumda bestsellerga aylandi

Smartfon

25 mart, 16:50

Smartfonlar bir necha kun oldin sotuvga chiqarilgan bo‘lsada, Xitoyda eng ko‘p sotilayotgan gadjetlarga aylanishga ulgurdi.

Kompaniyaning ma’lum qilishicha, Oppo Find X6 va Find X6 Pro mashhur Jingdong va Tmall platformalarida eng ko‘p sotilayotgan Android qurilmalariga aylandi. Biroq, doimgidek ishlab chiqaruvchi aniq savdo ko‘rsatkichlarini taqdim sir tutmoqda.

Hozirda Oppo Find X6 Pro o‘zining kamera tizimi bilan eng yaxshi DxOMark kamerali telefon nomiga da'vo qilmoqda. Lekin smartfonning to‘liq tahlili hali chiqmadi.

Oppo Find X6 Pro smartfoni jigarrang, yashil va qora ranglarda ishlab chiqilgan. Yashil va qora rangli variantlar esa ko'rinishidan barmoq izini saqlamaydigan shishadan tayyorlangan.

Oddiy model esa oltin, yashil va qora ranglarda chiqariladi.

Narxlari quyidagicha:

Oppo Find X6 Pro 12/256 GB – 5,999 yuan, ≈871 dollar

Oppo Find X6 Pro 16/256 GB – 6,499 yuan, ≈943 dollar

Oppo Find X6 Pro 16/512 GB – 6,999 yuan, ≈1015 dollar

Oppo Find X6 12/256 GB – 4,499 yuan, ≈653 dollar

Oppo Find X6 16/512 GB – 4,999 yuan, ≈726 dollar

Oppo Find X6 seriyasi hozirda faqat Xitoyda sotuvga chiqarilgan. Smartfonlarning global bozorga chiqarilishi haqida hozircha hech qanday ma'lumotlar yo'q.

Avvalroq Oppo Find X6 Pro kamerasining imkoniyatlarini namoyish qilish chog‘ida smartfon iPhone 14 Pro bilan solishtirilgani va Apple flagmani “mot” bo‘lgani haqida yozgan edik.