Kuchli smartfonlar reytingida yangi “qirol” paydo boʻldi: narxi 400 dollardan sal qimmatroq

Mashhur benchmark AnTuTu 2023-yilda eng kuchli Android smartfonlari roʻyxatini tuzib chiqdi va reytingda barcha top-10likni Snapdragon 8 Gen 2 chipsetiga asoslangan modellar egalladi.

OnePlus Ace 2 Pro hozirgi kundagi eng kuchli smartfon sifatida tan olinmoqda va AnTuTu boʻyicha oʻrtacha 1,64 million ball toʻplagan. Qurilma Qualcomm Snapdragon 8 Gen 2 protsessoriga ega boʻlib, u 9140 kvadrat mm oʻlchamdagi katta kameraga ega.

Kichik farq bilan ikkinchi oʻrinni iQOO 11S, uchinchi oʻrinni Redmagic 8S Pro+ egalladi. Oʻyinbop iQOO 11 Pro biroz pastroq oʻrin egallab, birinchi beshlikni vivo X90 Pro + yopdi, bu ham bozordagi eng yaxshi kamerali telefonlardan biri hisoblanadi.

Shuningdek, eng samarali Android smartfonlari nomiga OnePlus 11, Realme GT5, iQOO 11, Vivo X Fold2 va Oppo Find X6 Pro ega boʻldi.

AnTuTu shuningdek, eng yaxshi sub-flagman Android gadjetlari roʻyxatini tuzib, unda birinchi oʻrinni Redmi Note 12 Turboga berdi, ikkinchi oʻrinni realme GT Neo5 Se, 5500 mA/soat akkumulyator va 100 vatt quvvatga ega smartfon egalladi.

Ushbu ikkala model avgust oyidagi reytingda boshqalardan sezilarli farq bilan yetakchilik qilmoqda.

Yuqorida aytib oʻtilganidek, smartfon haddan tashqari oshirilgan Qualcomm Snapdragon 8 Gen 2 protsessoriga asoslangan boʻlib, bu funksiya uning yuqori ishlashini taʼminlaydi. OnePlus shuningdek, xotirasi ishlashida yangicha texnologiya qoʻllanilgan boʻlib, bunda ilovalarni ochishning oʻrtacha tezligi uch baravar oshirilgan.

Ace 2 Proʻning qolgan xususiyatlari ham yuqori darajada — 120 Gts chastotali AMOLED ekran, 24 Gb tezkor xotira, yuqori darajadagi Sony IMX890 50 megapikselli sensor va bozordagi eng tez zaryadlardan biri: 0% dan 100% gacha batareyasi 17 daqiqada toʻldiriladi. Uning yana bir “fishkasi” yomgʻirga qarshi texnologiyasidir.

OnePlus Ace 2 Pro (12GB/256GB) standart nashri 410 dollardan boshlanadi. 24 GB operativ xotira va 1 TB ichki xotiraga ega model 550 dollarga baholandi.