iPhone 15 Proni qaysi xususiyati uchun sotib olish kerak?

Smartfon

12 avgust, 08:30

Koʻpgina isteʼmolchilar narxning oshishidan norozi boʻlishmoqda, biroq Apple buni albatta biladi va odamlarni yangi narx oʻzini oqlashi, koʻplab yangilanishlar boʻlishiga ishontirmoqda.

Garchi iPhone 15 Pro global innovatsiya boʻlmasa-da, mish-mishlarga koʻra, yangi versiyada baʼzi katta yaxshilanishlar mavjud.

Oldin ham xabar berganimizdek, Apple iPhone 15 modellarining narxini oshirishi kutilmoqda. Yangi telefonlar katta ehtimol bilan sentyabr oyining oʻrtalarida eʼlon qilinadi, sotuvi esa oktyabr oyida boshlanadi.

Narxlar faqat va faqat oshadi

Yil boshida Bloomberg iPhone 15 Pro va iPhone 15 Pro Max avvalgilariga qaraganda qimmatroq boʻlishini, iPhone 15 va iPhone 15 Plus narxi esa oʻzgarishsiz qolishi kutilayotgani haqida xabar bergan edi.

Yaqinda Barclays tahlilchisi Tim Long investorlarga yozgan eslatmada iPhone 15 Pro liniyasining narxi iPhone 14 Pronikiga nisbatan 200 dollargacha oshishi mumkinligini aytdi. iPhone 15 Pro Max uchun bu boshlangʻich narx 1099 dollardan 1299 dollargacha koʻtarilishini anglatishi mumkin.

Qanday xususiyatlari boʻladi oʻzi?

iPhone 15 Pro displey atrofida bir oz egilgan qirralari va ingichka ramkali yangi dizaynga ega boʻlishi kutilmoqda. Xabarlarga koʻra, zanglamaydigan poʻlatdan yasalgan ramka yangi titan bilan almashtiriladi, bu telefonni bir vaqtning oʻzida kuchliroq va yengilroq qilishi kerak.

Bu yilgi iPhoneʼlar ham Lightning oʻrniga USB-C xususiyatiga ega boʻladi, bu koʻplab isteʼmolchilar uchun katta foyda keltirishi kerak. Apple shuningdek, iPhone 15 Pro Max uchun optik masshtabni sezilarli darajada yaxshilaydigan yangi periskop linzalari ustida ishlamoqda. Ikkala yangi Pro modeli ham tezroq va samaraliroq A17 chipida ishlaydi.

Shuningdek, Apple asosiy xotirani 128 Gb dan 256 Gb gacha oshirishi haqida mish-mishlar mavjud, bu juda yaxshi boʻlardi, chunki 4K ProRes video kabi narsalar uchun 128 Gb yetarli emas.Yanada qimmat iPhone sotib olish sizga nima beradi? — taniqli 9to5mac nashri yangi smartfonlarni aynan nima xislati uchun qimmat boʻlsa ham sotib olish mumkinligi toʻgʻrisida soʻrovnoma oʻtkazdi.