Tom Holand ishtirokidagi “Gavjum xona” seriali treyleri chiqdi
11 may, 12:29Tom Holland Apple TV+ suratga olayotgan “Gavjum xona” (The Crowded Room”) serialida ruhiy kasal jinoyatchi obrazini ijro etadi.
1979-yilda Ogayo shtati universiteti kampusida uch ayolni zoʻrlagani uchun hibsga olingan jinoyatchi Billi Milliganning jinoyatlaridan ilhomlanib yozilgan ssenariy asosidagi film “Oskar” mukofoti laureati Akiva Goldsman (“Ong oʻyinlari”) tomonidan yaratilgan boʻlib, serial yaratilishida u shouranner, yozuvchi va ijrochi prodyuser hissa qoʻshmoqda.
“Gavjum xona” filmida 1979-yilda Nyu-Yorkdagi otishmada ishtirok etganidan keyin hibsga olingan Denni Sullivan (Holand) toʻqima obrazi haqida ham soʻz boradi. Trillerga koʻra, tergovchi Ria Gudvin (Amanda Seyfrid) va Denni oʻzining oʻtmishdagi jarohatlarini qayta esga oladigan bir qator intervyulari orqali hikoya qilinadi. 10 qismdan iborat serialda Sasha Leyn, Emmi Rossum, Kristoper Abbot, Uill Cheyz, Lior Riaz va Genri Eikenberry suratga tushgan.
Bosh qahramon Holand avvalroq Entertainment Weekly nashriga bergan intervyusida serialni “inson aqli kuchini anglab yetish” deb taʼriflagan edi.
Aktyor Denni obrazini koʻrgandan soʻng tomoshabinlar “ruhiy salomatligi bilan bogʻliq muammolarga uchragan odamlarga nisbatan koʻproq hurmat va hamdardlik koʻrsatishiga” umid qilishini qoʻshimcha qildi.
Marvel yulduzi, shuningdek, oʻgʻlini aloqaga chiqishini kutib umidsizlikka tushgan ona haqidagi qisqa metrajli “Soʻnggi qoʻngʻiroq” filmida yanada dramatik obrazda namoyon boʻladi. Qisqa metrajli film uning akasi Garri Holand tomonidan suratga olingan va 2023-yilda Tribecaʼda premyerasi boʻlib oʻtadi. Holand, shuningdek, Pol King rejissyorligida Fred Astaire biografik filmi ham ishtirok etishi kutilmoqda.
“The Crowded Room” premyerasi 9-iyun kuni Apple TV+ da boʻlib oʻtadi.
Avvalroq “Wednesday” va “Avatar” filmlarining keyingi qismi haqida so‘nggi xabarlar ma’lum qilingandi.
Mavzuga oid
Soʻnggi yangiliklar
02 iyul, 14:29
25 iyun, 11:07
24 iyun, 14:41
23 iyun, 15:10
