Har biri sanʼat asariga teng — dunyo mobilograflari tanlovi natijalari

Foto

20 mart, 20:10

Navbatdagi fotograflar uchun tanlov — Mobile Photography Awards 2023 — dunyoning eng yaxshi mobil fotosuratlarini maʼlum qildi. Biz sizga quyida taqdim qiladigan suratlar professional kameralarsiz faqat smartfonda olinganligi bilan hayratlantiradi.

Mobile Photography Awards — har yili oʻtkaziladigan tanlov hisoblanadi (2011-yildan buyon). Uning maqsadi mobilografiya sanʼatini namoyish etishdir.

2023-yilgi tanlovda dunyoning 80 dan ortiq davlatidan professional va havaskorlar oʻz ishlarini yuborgan (manba: New Atlas). Yuborilgan materiallar Landshaft, Koʻcha va Portret kabi anʼanaviy yoʻnalishlardan tortib sunʼiy intellekt yoki Dark/Noir kabi yangi yoʻnalishlardan iborat 12 toifada saralandi.

Uysiz qolgan tulki surati 2023-yilning eng zo‘r yovvoyi olam tasviri deb topildi (Foto)

Avstraliyalik Glenn Xoman 2023-yilning mutlaq gʻolibi deb tan olindi. Uning iPhoneʼda tasvirga olingan fotoalbomi haqiqiy sanʼat asari darajasida baholangan. Mazkur maqolada Xoman va boshqa ishtirokchilarning yuqori baholangan to‘plamidagi eng yorqin tasvirlarni joyladik.

“Men hayratdaman. Bu eʼtirof men uchun juda katta ahamiyatga ega va umid qilamanki, mazkur tanlov boshqalarni ham mobil suratga olishning cheksiz imkoniyatlarini oʻrganishga ilhomlantiradi”, — deydi fotograf.

Mazkur tanlovdan oldinroq yana bir fototanlov — Canarian Photo Awards 2023 ishtirokchilarining vulqon otilishi, hayratlanarli dengiz manzaralari, yaqinlashtirilgan kadrda olingan hasharotlar va hattoki sayyoramizdan uzoqda joylashgan galaktikalar tasviri eʼtirof etilgandi.

Shuningdek, dunyo fotograflarining ijtimoiy mavzularg bag‘ishlangan eng “hayotiy hamda haqqoniy” fotosuratlari Sony kompaniyasi tomonidan saralab olingandi (fotogalereya).