Tesla Shanxayda akkumulyator zavodi qurmoqchi
11 aprel, 07:15Amerikaning Tesla kompaniyasi Shanxayda Megapack akkumulyatorlarini ishlab chiqaruvchi yirik zavod quradi.
Bu haqda kompaniya Twitter sahifasida ma’lum qilgan.
Qurilish 2023-yilning uchinchi choragida, ishlab chiqarish esa 2024-yilning ikkinchi choragidan boshlanadi. Kompaniyaning Shanxayda avtomobil zavodi allaqachon mavjud.
Yangi obyekt Kaliforniyadagi Megapack ishlab chiqaruvchi zavodiga qoʻshimcha tarzda barpo etilmoqda, deb yozdi Mask. Dastlabki ishlab chiqarish hajmi yiliga umumiy quvvati taxminan 40 GVt/soat boʻlgan 10 000 ta akkumulyator batareyasini tashkil qiladi. Mahsulotlar butun dunyo boʻylab joʻnatiladi.
Megapack batareyalari elektr transport vositalari uchun emas, balki tarmoqqa ulangan energiyani saqlash uchun moʻljallangan. Tesla kompaniyasining fikricha, bunday akkumulyatorning bir marta zaryadlanishi oʻrtacha 3 600 ta uyni bir soat davomida quvvatlantirish uchun yetarli.
Oldinroq Giglink.uz Tesla elektromobili odamlarni maxfiy suratga olishi haqida xabar bergan edi.
Mavzuga oid
Soʻnggi yangiliklar
06 avgust, 13:46
01 avgust, 15:09
01 avgust, 13:58
24 iyul, 15:08
