Toshkent shahrida mukammal jihozlangan Amerikaning Chevrolet Spark avtomobili hamyonbop narxda sotildi
31 mart, 13:50Ijtimoiy tarmoqlarda oʻzbekistonlik juda noodatiy mashina sotgani aks etgan video paydo boʻldi. Mazkur model Janubiy Koreyadan keltirilgan.
Gap Chevrolet Sparkning amerikancha modeli haqida ketmoqda. Bu mashina ikkinchi Spark deb ham ataladi, biroq mazkur model oʻzbekistonlik hamkasbidan korpus va jihozlar bilan farq qiladi.
Mashinaning oʻzi Janubiy Koreyadan keltirilgan. U 2017-yilda konveyerdan chiqqan. Mashina 98 ot kuchiga ega 1,4 litrli atmosfera dvigateli bilan jihozlangan va doimiy oʻzgaruvchan variator bilan ishlaydi.
Interyerga keladigan boʻlsak, unda yetti dyuymli zavodda qoʻyilgan sensorli ekran, Chevrolet Malibu-2ʼdagiga oʻxshash bar, Alkantara shifti va lyuk bor.
Videoda avtomashina 128 million soʻmga sotilgani, yaʼni 11 210 dollarga teng ekani, mashinaning xarakteristikalari va jihozlarini hisobga olgan holda bu eng yaxshi narx ekanligi aytiladi.
Avvalroq Oʻzbekistonda ishlab chiqariladigan Chevrolet Onix avtomobillarini ikkilamchi bozorda sotish boshlangani haqida maʼlum qilingandi.
Mavzuga oid
Soʻnggi yangiliklar
06 avgust, 13:46
01 avgust, 15:09
01 avgust, 13:58
24 iyul, 15:08
