Tesla nemis avtomobil ishlab chiqaruvchilaridan oʻzib ketdi
25 iyul, 13:27Yaxshi sotilishi uchun modellari yangilanishi ham shart emas — mashhur nemis avtomobil brendlarini ortda qoldirayotgan Tesla elektromobillari trendga chiqib bormoqda.
Tesla elektromobillar yetkazib berish boʻyicha dunyo birinchiligini qoʻlga kiritmoqda. Yilning birinchi yarmida kompaniya 889 015 dona mahsulot yetkazib berdi. Bu VW Group, BMW va Mercedes-Benz nemis brendlari birgalikda yetkazib berganidan koʻp (birinchi infografika).
Tesla eng katta bozorni, yaʼni Xitoyni boshqarmoqda va hozirda bu yerda undan tashqari ikkinchi oʻrinda mahalliy BYD Co. markasi ketmoqda.
Nemis avtomobil brendlari Gʻarbda ham ilgʻorlikni Teslaga berib qoʻymoqda. Toʻgʻri, yilning birinchi yarmida VW Group umumiy natijada 10 ming dona oshiq sotuv bilan Teslani ortda qoldirgandi.
Tesla esa bu natijalarning barchasiga yillar davomida yangilanmay kelayotgan avtomobillari bilan erishmoqda. Masalan, 2020-yilda ishlab chiqarilgan oxirgi avtomobil Tesla Model Y boʻlgan, Model 3 esa 2017-yilda chiqarilganidan beri qayta yangilangani yoʻq.
2030-yilga kelib Xitoyning asosiy avtomobil bozorining 90 foizini elektr transport vositalari egallashi prognoz qilinmoqda. Albatta, bu yerda mahalliy brendlar kuchayadi, biroq tahlilchilarning aytishicha, Tesla yetakchilar qatorida qoladi va nemis avtokompaniyalari endi avvalgidek yuqori eʼtiborga sazovor boʻlmaydi.
Mavzuga oid
Soʻnggi yangiliklar
06 avgust, 13:46
01 avgust, 15:09
01 avgust, 13:58
24 iyul, 15:08
