Oʻzbekistonda BMW mashinasi ikkita iPhone narxida sotilmoqda
12 aprel, 12:25Mutlaqo yaxshi holatdagi BMW E28 mashinasini sotib olishingiz uchun bor-yoʻgʻi 2 ta iPhone 13 Pro Max bahridan kechsangiz kifoya.
OLX onlayn platformasiga noodatiy avtomobil sotuvi haqidagi eʼlon joylandi. Eʼlonda 129 ot kuchiga ega 2,2 litrli dvigatel bilan jihozlangan BMW E28 avtomobili sotilishi maʼlum qilingan.
Avtomobil egasining taʼkidlashicha, avtomobilning maksimal tezligi soatiga 183 km ni tashkil qiladi, ammo bu koʻrsatkichlar hozirda ancha past boʻlishi mumkin, chunki avtomobil 1989-yilda chiqarilgan.
Xabarda avtomobilning yurgan masofasi haqida maʼlumot berilmagan. Ammo, fotosuratlarga qaraganda, mashina 34 yoshni urib qoʻygan boʻlishiga qaramay, ahvoli ancha yaxshi.
Mazkur mashina uchun egasi 2 000$ soʻramoqda, bu pulga Oʻzbekistonda Tico yoki ikkita iPhone 13 Pro Max xarid qilish mumkin.
Giglink.uz oldinroq Oʻzbekistonga hamyonbop va ixcham Cherry elektromobili keltirilgani haqida xabar bergan edi.
Mavzuga oid
Soʻnggi yangiliklar
06 avgust, 13:46
01 avgust, 15:09
01 avgust, 13:58
24 iyul, 15:08
